الدرس الأول : المعرفه






الدرس الأول : المعرفه
------------------------------

س1 : ماهى أخطار الهاكرز , وماذا يستطيع أن يفعل بجهازى .؟
*=*=*=*=*=*=*=*

قبل منبتدى ف الشرح أحب أوضح نقطه مهمه , المشكله الكبرى ان معظم الناس فاكره ان الهاكر مبيقدرش يعمل حاجه غير انه يسرق ايميل ولا اكاونت ويغير الباسورد بتاعه , ودى الاجابه المتوقعه اللى بسمعها من اى حد اسأله , تعمل ايه لو هاكر اتعرضلك .؟
 
ج : ياعم وافرض اتعرضلى , ده حتى الشركات بتعملنا الايميلات مجانآ , هعمل مليون ايميل غيره .

الاجابه دى كانت السبب الرئيسى فى انى اعمل الدوره دى للتوعيه

ياحضرات الهاكرز أخطر من كده بكتيييييييير ,, فى سنة 2008 فى بلد من البلدان لاداعى لذكر اسمها , تمكن مجموعه من شباب لس متعدوش 19 سنه , من اختراق بنوك وسرقة بطايق أئتمان , وتسببوا ف وقوف خطوط الطيران , وتهديد بلده كامله عن بعد , وعن طريق النت , مستوعبين دى .؟

*=*=*=*=*=*=*=*

ودلوقت تعالوا نشوف ايه الحاجات اللى يقدر يعملها الهاكر ف جهازك لو اتمكن من اختراق جهازك ,, والاخطار اللى بيشكلها :-

أولآ الاخطار اللى بيشكلها :
--------------------------------
النقطه دى بالذات بأكد عليها وخصوصآ للأخوات اللى عندهم كاميرات متصله بــ أجهزتهم ,, او بيدخلوا من لاب توب ,, يا اختى ياريت قبل متفتحى او تدخلى ع النت , الزقى ستيكر اسود , او حتى لزق اسود فوق الكام عشان يحجب الروئيا , ولو داخله من كمبيوتر افصلى الكام عن الجهاز ومتوصليهاش الا عند الدروره ,, أقولك ليه ,, فى انواع من المواقع بتتصمم بطريقه برمجيه بتخليها تشغل الكام تلقائيآ ومن غير ما تحس , بتاخدلك لقطات ومقاطع فيديو وتخزنها فى مكان فى الموقع مخصص لذلك , ويجى صاحب الموقع يلاقى ملايييين من الصور ومقاطع الفيديو فى انتظاره .

ملحـــــــــــــــوظه هـــــــــــــــــامه :
الكاميرا بتشتغل تلقائيآ لمجرد ان الماوس يلامس اى كلمه فى الموقع ,, والموقع فيه بلايييين الكلمات يعنى وانت بتتصفح , فى اللحظه الواحده الماوس بيخبط منك فى الف كلمه ,, عشان كده بأكد تانى يا اختى لو عندك كام لازم تلزقى ستيكر , عشان حتى لو اتعرضتى لحاجه زى دى الصور ولا الفيديوا يظهر عنده اسود ومن غير اى تفاصيل

*=*=*=*=*=*=*=*

ثانيآ : الحاجات اللى يقدر يعملها الهاكر فى جهازك :
 

1- التوصل لجميع الباسوردات وكلمات المرور اللى تم تسجيلها , او الدخول عليها من جهازك سواء باسوردات ايميلات , ولا بطايق ائتمان , وبالتالى الدخول وتغييرها , وفى الحالادى انت نفسك مش هتعرف توصلها تانى .

2- تسجيل كل محادثاتك وكل حرف بتكتبه على لوحة المفاتيح ( يعنى كل محادثاتك الخاصه مكشوفه وبيشوفها بالحرف )

3- التحكم الكامل بجهازك وكأنه قاعد قدام

4- سحب كل خصوصياتك , من صور , ومقاطع صوت , ومقاطع فيديو , وملفات مكتوبه , واخذ نسخه منها لـ جهازه

5- تصوير , ومشاهدة شاشة الكمبيوتر عندك , بالاضافه لتصويرك انت شخصيآ لو عندك كاميرا , ومن غير متحس بأى حاجه

6- اغلاق الكمبيوتر , واغلاق البرامج اللى انت مشغلها , يعنى ممكن تكون مشغل غنوه تلاقيه بيقفلها , ويشغل مقطع فيديو ولا صوره بدل منها , متستغربش منا قولتلك عنده تحكم كامل ف جهازك

7- التلاعب بجهازك على سبيل تخويفك : فتح السي دى روم ,, التلاعب ب اضائة لوحة المفاتيح ,, اظهار اكتر من خمسين سهم ماوس فى الشاشه بيجروا ورا بعض ,, اظهار اخطاء ,, او فتح صندوق محادثه للتفاوض معاك

8- حذف كل محتويات جهازك ,, وتدميره نسخة الويندوز


كل اللى انا قولته ده يدوب جزء بسيط جدآ من اللى يقدر يعمله الهاكر بجهازك , هنوضح بالتفصيل فى الدروس القادمه ,, انتظرونى فى الدرس المقبل , واللى هنتعرف فيه على الاشياء اللى بتبينلى اذا كان جهازى مخترق ولا لا ,, والحلول اللى هتخذها ع طول لو اتضحلى ان جهازى مصاب ,, وبكده يكون درسنا نهارده انتهى اشوفكم ع خير ف الدرس القادم , اى استفسارات انا تحت أمركوا , ولكم منى الللللللف شكر

 
تحيـــــــــــــــــاتى : 
 

٠•● خالد العاطفى ●•٠